Bo día! Último día de cole antes das vacacións de Nadal, moita ilusión e moitos nervios. E dende a biblio traémosvos as recomendacións lectoras para este Nadal. Como sabedes, a lectura é algo moi importante e que nos acompaña sempre, e aquí tedes moitas historias desas que vos acompañarán moito tempo.
Nesta guía de lectura podedes atopar diferentes títulos en castelán e en galego, así como un xogo de mesa, dirixidos ás diferentes edades: prelectores, primeiros lectores, lectores autónomos e lectores expertos. Esperemos que vos gusten moito estas recomendacións, non esquezades metelas nas vosas listas de reis! Feliz Nadal, feliz aninovo e feliz lectura!
Bo día! Xa estamos en decembro, pero cómpre non olvidar todo o que vivimos este trimestre. O pasado mes de novembro celebramos no cole "O mes da ciencia en galego". Para festexalo, fixemos nas aulas de todo o cole un montón de experimentos sobre alimentación, auga, electricidade estática...
Aquí debaixo podedes ver algunhas fotos das actividades, pasámolo de marabilla! Nestas fotos estamos alumnado de primaria e máis de infantil, porque os experimentos non teñen idade! Canto aprendemos neste mes. Feliz lectura!
Bo día, hoxe o equipo da biblioteca trae unha entrada moi especial, xa que, como sabedes, onte celebramos no cole o Día Internacional Contra a Violencia de Xénero, o 25N. Unha data da que nós, pero tamén toda a comunidade educativa, estamos moi concienciados de cambiar.
Para celebralo no cole, fixemos un montón de actividades chulas. Empezamos xa hai unhas semanas decorando o cole, que podedes ver nas fotos o chulo que nos quedou: as portas, os lazos xigantes, as ventás, as mensaxes, o mural... todo contra a violencia.
Tamén fixemos unha exposición de libros importantes para estas datas, sobre violencia de xénero, mulleres poderosas, a figura da muller, protagonistas chicas... todos son chulísimos! Sabedes que todos estes libros podedes atopalos na biblio verdade?
Ademais, tivemos a sorte de vivir unha experiencia única! Gravamos un videoclip chulísimo versionando unha canción moderna, que seguro que todos coñecedes xa! Pois nós cambiámoslle a letra e, coa axuda de Velaísca Proxectos Educativos, creamos un vídeo así de chulo:
Por último, tamén conmemoramos esta data dentro das nosas aulas, traballando na importancia do rexeitamento da violencia con diversas actividades que nos propuxeron os profes. Esperamos que nalgún momento esta data desapareza do calendario. Mentres tanto, seguiremos na loita contra a violencia de xénero. Feliz lectura!
Bo día! Aínda que xa metidos no mes de novembro, aquí chegan as recomendacións lectoras para este mes.
Como sabedes, neste mes celebramos o día 25 o Día Internacional contra a Violencia de Xénero, ademais de ser o mes da ciencia. Polo tanto, as nosas recomendacións do equipo de biblioteca van por estes camiños.
Recordade que todas elas as podedes encontrar na nosa biblio! E algunha delas na exposición que podedes atopar no corredor. Feliz lectura!
O pasado 11 de novembro celebramos o día das librarías na biblioteca escolar. Un día moi importante porque, gracias a elas, podemos contar con todos os marabillosos libros e historias que forman parte da nosa vida e da nosa biblio do cole.
Para festexalo, compartimos con vós unha foto moi especial na que unha libraría que colabora coa nosa biblio cada ano, nos trouxo unha gran variedade de libros nunha exposición moi interesante e que nos encantou a todos. Feliz día das librarías!
Bo día! Seguimos coa celebración do Samaín, pero non nos olvidamos de que este domingo foi o día das bibliotecas, e para celebramo deixamos por aquí o cartel das bibliotecas escolares para este ano.
Baixo o eslogan "A biblioteca escolar ten a palabra", deféndese que a biblioteca deberá ser quen teña a palabra dentro do centro escolar.
A nosa biblioteca aínda está en formación, xa que estamos remodelándoa e deixándoa moi chula. Temos moitas ganas de ensinárvola, pero aínda ten que esperar un pouquiño máis. Feliz día das bibliotecas e feliz lectura!
Hoxe, 25 de outubro, comezamos a celebración da semana do Samaín! Nesta semana chea de actividades, celebracións e propostas pasarémolo xenial.
Comezamos hoxe, luns, traendo algo terrorífico na cabeza e mostrando parte da nosa decoración. Nesta foto podedes ver un dos murais do cole e as propostas de "lecturas terroríficas" da nosa biblio.
Ademais, recordavos que hoxe remata tamén o concurso de relatos terroríficos, pronto saberemos os gañadores!
E non olvidedes de traer a vosa cabaza preparada para a exposición. As mellores cabazas levarán premio: a máis terrorífica, a máis orixinal...
O lobo Seitodo está preparado para pasar moooito medo. Feliz Samaín!
