DÍA DA PAZ 2024

Onte conmemoramos o Día Escolar da non Violencia e da Paz no noso cole. Para iso escribimos receitas da paz e fixemos unha pomba xigante cargada dunhas plumas moi especiais. Queredes ver como quedou?

APADRIÑAMENTOS LECTORES- 2º TRIMESTRE

A semana pasada comezamos cos apadriñamentos lectores do segundo trimestre polo que cambiamos de padriños e madriñas. Queredes ver como foi ese primeiro encontro? Pois non tedes máis que premer no vídeo!

A cociña en Agualada

 Por aquí vos deixamos o noso cartel do PDI, o proxecto que traballaremos este curso: a cociña en Agualada. Moitos xa vos imaxinábades algo así, así que todo listo...

Preparados, listos.... mans á masa!

Comezamos co noso proxecto!

Antes das vacacións os grupo de infantil e de 1º e 2º xa empezaron a facer actividades relacionadas co PDI deste curso: a comida. Deixamos aquí unha pequena mostra fotográfica e, en breve, seguiremos compartindo as nosas investigacións e experiencias.

RECOMENDACIÓNS DE NADAL

 Ola!

Deixámosvos algunhas recomendacións para ler durante as vacacións. 

25 N Manifesto Día Internacional da Eliminación da Violencia contra a Muller.

O lema do Concello de Coristanco é "Nin unha cadeira baileira máis" para conmemorar o Día Internacional da Eliminación da Violencia contra a Muller.

5º e 6º de Educación Primaria foron a Usos múltiples no Concello de Coristanco e leron o seu manifesto en contra das violencias de xénero.

https://www.instagram.com/reel/C0EPsfwsU2h/?utm_source=ig_web_copy_link&igshid=MzRlODBiNWFlZA==

Deixámos aquí un vídeo do acto. 

Bo día a todos e a todas, somos o alumnado de 5º e 6º do CEIP Bormoio-Agualada e vimos en representación do noso centro a ler o noso manifesto contra a violencia de xénero para conmemorar o 25N, “Día Internacional da Eliminación da Violencia contra a muller”. 

No noso país son moitas as mulleres que sofren e sufriron danos físicos e psicolóxicos. Por iso, en este acto queremos manifestar o noso compromiso de traballar para previr a violencia contra as mulleres en todas as súas formas, xa que é unha das manifestacións de violencia máis extendida no mundo.

 Deste xeito, como futuras xeracións comprometémonos e gustaríanos: 

-Recibir formación na nosa etapa educativa sobre a violencia de xénero. 

-Apoiar e proporcionar axuda a calquera persoa que se atope nunha situación de violencia de xénero. 

-Opoñernos a toda clase de violencia. 

-Defender e respectar os dereitos humanos.

 -Ter un comportamento que non incite ao odio nin á violencia. 

-Solidarizarnos coas mulleres que padecen malos tratos. 

Durante esta semana estivemos realizando no colexio distintas actividades para traballar e concienciarnos sobre a necesidade de eliminar a violencia de xénero ademais de cómo nós podemos contribuir a este fin, ainda que a mellor aprendizaxe que levamos é que para conseguir isto necesitamos amosar unha actitude de respecto e igualdade no noso día a día, non só en datas concretas, xa que desta forma máis que solucionar un problema, conseguiremos previlo e evitar que suceda. 

Gustaríanos dar as grazas ás mulleres que loitan día a día polos seus dereitos e por dar visibilidade a situacións de violencia das que son víctimas, xa que grazas á súa valentía nós teremos un futuro mellor. 

Para rematar, dicir que xa que para que a eliminación da violencia de xénero é necesaria a colaboración de toda a sociedade, queremos despedirnos cas palabras que os nosos compañeiros dos demais cursos do noso colexio lles queren adicar ás mulleres que foron e son víctimas de violencia de xénero. Agarimo, liberdade, respecto, quérote, aperta, amor. 

MES DA CIENCIA EN GALEGO NAS BIBLIOTECAS

Ola!

Este mes conmemoramos o Mes da Ciencia en Galego nas Bibliotecas. 

"Desde a Asesoría de bibliotecas escolares realizouse unha recompilación de recursos dixitais , relacionados coa ciencia, en galego, que se pon a disposición de todas as bibliotecas: libros e unidades didácticas descargables en formato pdf, páxinas web de institucións, museos e asociacións de profesores e divulgadores científicos, convocatorias e propostas, blogs de ciencia dos centros educativos, experiencias de bibliotecas escolares, etc." https://www.edu.xunta.gal/biblioteca/blog/?q=node/1748

Recompilación de materiais de ciencia en galego

https://www.edu.xunta.gal/biblioteca/blog/?q=ciencia

Nas diferentes aulas fixemos experimentos. 

Deixámovos algunhs aquí: 

Educación Infantil

Fixemos explosións de cores tratando de representar a formacion da Terra que viramos nun video ao iniciar o proxecto dos dinosauros. 

1º Ciclo de Educación Primaria

Experimentos con plantas empregando colorantes e flores. Deixamos a ligazón facendo ciencia: 

https://www.instagram.com/p/Czt4i4ls4NQ/?utm_source=ig_web_copy_link&igshid=MzRlODBiNWFlZA==

Próximamente ensinarémosvos os fantásticos experimentos das outras aulas.