"Coa música a todas partes". Produto final 1º/2º/3º Primaria

 Seguimos cos produtos finais das nosas clases, e para iso empezamos cos máis pequenos de Educación Primaria, os nenos e nenas de 1º/2º/3º. Eles escolleron facer tres grupos e traballar sobre tres estilos de música moi diferentes, e algo descoñecidos, pero moi chulos: escolleron o country, o jazz e mais o funk.

No seu traballo sobre o funk explicaron un pouquiño que é ese estilo musical, e ademais fálannos tamén sobre algúns dos instrumentos musicais máis utilizados e algúns artistas moi importantes para o estilo de música. Ademais, engaden un QR cunha canción que, de seguro, coñecedes todos, moi chula!

Respecto ao jazz, a estrutura do traballo é moi semellante, falando sobre o que é este estilo musical, destacando aqueles instrumentos máis utilizados e algúns dos músicos do jazz máis coñecidos. Engaden tamén un QR no que podemos ver a Lisa Simpson, gran artista de jazz dos debuxos animados. 

E por último, fixeron tamén un traballo sobre o country, outro estilo de música pouco coñecido pero moi chulo. Descubriron sobre el tamén os instrumentos e algún artista importante, e descubriron tamén unha canción en castelán moi chula! Seguro que tamén vos gusta a vós, moitos a coñeceredes. 

"Coa música a todas partes". Produto final Educación Infantil

 Como cada ano hacia finais de curso, estamos aquí para ensinarvos o produtos finais da PDI deste ano. Neste caso, as aulas traballaron de maneira grupal con diferentes estilos musicais, escollidos por eles mesmos, e fixeron unha investigación sobre o mesmo coa intención de crear un mural entre todos. 

O mural podedes velo nos taboleiros do corredor principal do noso centro. Os nenos e nenas de educación infantil traballaron sobre dous xéneros musicais moi interesantes: a música infantil e o pop. 

No traballo sobre o pop, fálanos do que é, algúns instrumentos que se utilizan neste tipo de cancións, artistas coñecidos deste xénero, algunhas cancións que lles gustan e, ademais, se escaneades o código QR poderedes escoitar a súa canción favorita! Encima del podedes ver unha pista enorme. 

Por outra parte, no traballo sobre a música infantil, ademais de falarnos un pouco sobre a mesma, e escribir algúns nomes de artistas de música infantil, tamén traballaron a letra con debuxos dunha das súas cancións favoritas deste xénero (e a da maioría do cole). Se escaneades o código QR que puxeron, podedes incluso velos cantando e bailando a canción! 

17 DE MAIO. DÍA DAS LETRAS GALEGAS (II)

Bo día, para continuar coa celebración do Día Letras Galegas, tivemos o pracer de ter esta semana no noso centro...a Manuela Varela!

Fixo de contacontos, para explicarnos a historia de Francisco Fernández del Riego, autor conmemorado este ano, en forma de conto.

Que divertido coñecer a vida e historia de Don Paco!

AVALIACIÓN BIBLIOTECA

 Boas! Como cada curso, achégase ao final, e para iso dende a biblioteca necesitamos saber qué tal o fixemos, se vos gustan as cousas novas da biblioteca, que credes que hai que mellorar... 

Para iso deixamos por aquí os cuestionarios para cubrir polo alumnado e polas familias. Moitas gracias pola participación! Todas as respostas axúdannos a mellorar!

Cuestionario para alumnado

Cuestionario para familias

17 DE MAIO. DÍA DAS LETRAS GALEGAS

Bo día a todas e todos!

A pasada semana, por mor da celebración da Semana das Letras Galegas, recibimos a visita do gran Mago Teto. 

Os nenos e nenas de educación infantil quedaron coa boca aberta cos incribles trucos que fixo... 

... e os nenos/as máis maiores achegáronse aos  autores homenaxeados nas letras galegas ao longo dos anos, mediante a maxia. 

Pasámolo xenial co Mago Teto!! Pero a celebración deste día aínda non rematara...

SEMANA DO LIBRO

 Bo día. O pasado venres 24 de abril, continuamos coa celebraciṕn da semana do libro cunha gymkana. A GYMKANA DO LIBRO!

Consistiu nunha serie de probas moi divertidas que cada grupo tiña que pasar para conseguir unha das seis pistas que precisaban para chegar a atopar o libro da biblioteca que lle correspondía. As probas eran as seguintes:

O teléfono estropeado

Revivimos o clásico teléfono estropeado con nenos de todas as idades e por suposto, o teléfono estivo moi escacharrado, saíron frases moi graciosas!

Letras humanas

Cada grupo formou palabras empregando tan só o seu corpo! Tiñan que participar todos e todas e poder leelo!

Quen é quen?

Un membro do grupo cunha diadema coa súa personaxe facendo preguntas para adiviñalo, o resto? respondendo tan só si ou non. Pasárono moi ben!

Aforcado de contos

Xogaron ao aforcado pero con contos! Participaron desde os máis pequenos ata os máis maiores.

Cadena cooperativa

Tiñan que levar uns obxectos dun lado a outro. Non se podían mover con eles na man. Non podían lanzar. Entón? Eles pensaron a estratexia e todos e todas cooperaron!

Entrena a memoria

1 minuto para mirar e 20 obxectos que memorizar. Foron capaces de recordar polo menos 18 deles? Adiantámosvos que si!

Todos os grupos conseguiron completar a gymkana a tempo e atopar e seu libro! Reto conseguido! Por iso, recibiron uns regalos polo seu gran esforzo!

Adxuntamos os libros da nosa biblio seleccionados para a actividade. Un saúdo!

Día Internacional da Muller e a Nena na Ciencia

Bo día! O 11 de febreiro celebramos no noso cole un día moi importante, o Día Internacional da Muller e a Nena na Ciencia. Para iso, nas clases e na biblioteca do cole fixemos unha actividade na que tivemos que buscar información, por grupos, sobre diversas mulleres científicas que foron importantes na historia. Por aquí vos deixamos algunhas imaxes traballando. Participamos dende os nenos e nenas de infantil, ata os maiores de primaria.

Cos traballos elaborados creamos un mural de mulleres científicas no corredor do cole, que quedou así de ben! Desta forma coñecemos a labor de moitas mulleres e compartimos o traballo do resto dos compañeiros e compañeiras. Esperamos que vos guste!

Que teñades unha boa semana!