Boa tarde! Estamos de volta dende o equipo de biblio para traervos o esperado VÍDEO DO DÍA DA PAZ. Nel, recompilamos algúns dos vosos traballos, a canción e todas as cousas que fixemos para conmemorar este día tan importante para o noso cole, pero tamén para todo o mundo!
Feliz día da Paz!
Bo día, estamos aquí de novo. Aínda que temos moito pendente, deixámosvos por aquí o vídeo da canción para conmemorar o día da Paz, o 30 de Xaneiro.
Recordade, hai que aprendela! Os nenos queremos a paz.
O pasado mércores, co gallo da conmemoración do 25 de novembro, contra as violencias machistas, tivemos unha actividade chulísima no noso centro.
Da man da empresa URDIME, contamos viñeron ao cole dentro o Teatro "Ghazafelhos" a representar a obra "Iriña bailarina". Esta obra trata sobre a historia de Iriña, unha bailarina que, por seren bailarina, tiña que cumplir cunha imaxe e non podía mancharse, nin suar, nin xogar... ata que un día cambiaron as cousas.
Representáronnos esta obra no ximnasio do noso cole e, entre tonos de humor, caídas divertidas e moitos chistes, aprendemos unha lección moi importante. Por aquí vos deixamos unhas fotos da obra de teatro!
Esta semana no cole conmemoramos o día contra a violencia de xénero (25N), que celebraremos o venres, con algunhas actividades moi especiais. Unha delas, como sabedes, é aprender a canción "LA PUERTA VIOLETA" de Rozalén, en lingua de signos.
Dende o equipo de biblioteca deixámosvos o vídeo para que podades velo e practicar as veces que queirades. Seguro que aos vosos pais gustaríalles aprendelo tamén.
O mes de novembro é o mes da ciencia en galego, e dende a biblioteca do noso cole, queremos festexalo ben. Para iso, promoñémosvos a realización e presentación de experimentos científicos sinxelos entre aulas. Estades preparados?
Estade atentos ao blogue para poder ver os experimentos realizados!
Non estaba planeado. Pero o centro encheuse de disfraces tan orixinais e arrepiantes... que tivemos que facer un concurso de disfraces! Houbo un gañador por aula:
Educación Infantil: Breixo Sanjurjo
1º/2º/3º: Diego Pensado
4º/5º: Joel Blanco
6º: Manuel Negreira
E tamén houbo un gañador dos mestres, que foi...o conserxe Lorenzo!
Para a celebración do Samaín tamén se realizou un concurso de terror. Os nenos e nenas de infantil e de 1º e 2º de Primaria, terían que facer monstros terroríficos e o alumnado de 3º, 4º, 5º e 6º historias de medo. Os mellores colgáronse no taboleiro:
Pero só podía haber un gañador...
A gañadora do monstruo máis terrorífico foi Daniela Varela.
