Produtos finais PDI: A cociña en Agualada

 Para rematar a temática deste curso, o pasado mes de maio realizamos unha merendola coas familias! Desta forma, demostramos todo o aprendido a través de receitas diversas e riquísimas que escribimos e elaboramos coa axuda do profesorado, e compartimos toda a comunidade educativa. Estaba todo boísimo! Por aquí vos deixamos as nosas receitas, e algunha que outra foto máis. Gracias por vir!

Mulleres cociñeiras

 Bo día, deixámosvos por aquí uns traballos realizados polo alumnado no Día da Muller que nos quedaron pendentes de compartir convosco. A través deles, coñecemos de primeira man a moitas cociñeiras moi importantes na gastronomía nacional, que non coñecíamos. 

Avaliación da biblio!

Como cada ano a finais de curso, achegámosvos os nosos cuestionarios para poder avaliar o traballo realizado pola biblioteca neste curso escolar. Agradecemos moito a vosa colaboración para poder aprender do realizado e poder continuar mellorando! Moitas gracias!

Avaliación do alumnado: Preme aquí para responder

Avaliación das familias: Preme aquí para facer o cuestionario

Entrevista aos nosos cociñeiros

 O pasado 28 de maio, os nenos e nenas de primeiro e segundo de Educación Primaria prepararon unha entrevista na radio para coñecer un pouco máis aos nosos cociñeiros: Antonio e Mari. 

Pasamos un rato moi divertido, e ademais aprendimos moito sobre a profesión de cociñeiros, aproveitando o noso proxecto de aula sobre as profesións, ademais de coñecer algo máis a dúas persoas moi queridas da nosa comunidade educativa. Neste cole todos somos unha gran familia!

VOZ NATURA

Neste curso fixemos unhas actividades moi interesantes dentro do Plan Natura e relacionadas co noso proxecto de centro sobre a comida.

Por unha banda, realizamos labores de compostaxe e fixemos un sementeiro.

Doutra banda, o grupo de 3º e 4º realizou unha investigación sobre plantas aromáticas e gravou un podcast sobre isto. Apetécevos escoitalo?

E o alumnado de 5º e 6º descubriu que é unha escola sostible e gravou outro podcast sobre como o noso cole podería ser un pouco máis sostible. Tamén o queredes escoitar?

DÍA DO LIBRO

Para celebrar o Día do Libro no noso cole fixemos un montón de cousas. Empezamos realizando un bookface e seguimos cun intercambio de marcapáxinas entre padriños, madriñas e afillad@s.

 Para rematar organizamos un mercado solidario, que foi todo un éxito!

APADRIÑAMENTOS LECTORES- 3º TRIMESTRE

Chegamos ao último trimestre e, polo tanto, ao último cambio de parellas lectoras. Aquí tedes un pequeno vídeo!