CONCURSOS SAMAÍN 2023

Atención, rapaces e rapazas da Agualada! Chegan os concursos máis terroríficos deste curso... 👻👻👻

Haberá tres concursos diferentes: de cabazas, de disfraces e de relatos e debuxo. Animádevos a participar!

24 OUTUBRO DÍA DAS BIBLIOTECAS

 

Hoxe, como cada ano, o 24 de outubro festexamos o Día das bibliotecas. É un día moi importante para nós, xa que a nosa biblioteca é un eixo fundamental para o noso cole. 

Para conmemoralo, e seguindo co lema deste ano "tecendo comunidades", esta semana comezaremos coas nosas preciadas MOCHILAS VIAXEIRAS. E deste xeito, compartir a nosa biblioteca coa comunidade e sobre todo, con vós, as familias do noso cole.

APADRIÑAMENTOS LECTORES - 1º TRIMESTRE

 Xa empezamos coas lecturas compartidas deste trimestre cos padriños e madriñas. Aquí tedes un vídeo- resumo do primeiro día que foi estupendo; apetécevos velo?

16 OUTUBRO: DÍA DAS ESCRITORAS

 Hoxe celebramos na nosa biblio o día das escritoras. Non podíamos olvidarnos delas porque, gracias a elas, temos algunhas das nosas historias favoritas. 

Deixamos por aquí unha pequena colección de libros das diferentes idades feitos por escritoras: Olga de Dios, Adela Turín, Ledicia Costas, Andrea Maceiras, Anna Llenas... pero hai moitísimos libros máis que podedes ler na nosa biblio!

VISITA DO MAGO TETO

O luns 2 de outubro recibimos no cole a marabillosa visita do Mago Teto. Fíxonos un montón de trucos asombrosos e nos divertimos un montón, dende os máis pequenos ata os maiores (profes incluidas!!).

Isto si que é unha boa maneira de empezar a semana 😊

Grazas ao Concello de Coristanco por facernos pasar tan bos ratos. Oxalá ter pronto outra sorpresa coma esta.

RECREOS NA BIBLIO

A partir desta semana xa podedes vir á biblio nos recreos para ler, xogar e moitas cousas máis. Ademais haberá sempre encargados e encargadas para axudarvos con todo o que precisedes. Animádevos!

BENVIDA CURSO 2023-24

Benvid@s!

 A Biblioteca do CEIP Bormoio-Agualada comeza a funcionar xa e quere contar con vós!

Neste blog iremos informando ao longo de todo o curso das novidades e actividades que fagamos. Arrancamos!