Encontros PLAMBE

Ola de novo! O pasado venres 25 de marzo, a nosa biblioteca tivo a oportunidade de estar presente nos encontros do plan de mellora de bibliotecas escolares, do que formamos parte dende fai uns anos. Estes encontros están destinados a formar aos membros do equipo de biblioteca do cole para poder dotar ás biblios de recursos, ideas e actividades chulas. 

As xornadas celebráronse no palacio de congresos de Santiago de Compostela, e asistimos todas a biblios que formamos parte do PLAMBE. Foi unha xornada formativa moi proveitosa, e da que, de seguro, a nosa biblioteca mellorará e aprenderá moitísimo. Por aquí deixamos algunhas imaxes destes encontros. Feliz formación e feliz lectura!

8M - Día Internacional da Muller

Hoxe, 8 de marzo, celébrase un día moi importante para todos os que formamos a comunidade educativa do noso cole: o día da muller. E aínda que todos desexaríamos que non existira, xa que iso implicaría que tampoco existira a desigualdade entre homes e mulleres, tamén loitamos por elas. 

Por este motivo dende o cole, e seguindo co noso PDI sobre os deportes olímpicos, decidimos investigar sobre o papel das mulleres no deporte. Para iso, en cada clase investigamos sobre diferentes mulleres importantes nos deportes e creamos, entre todo o cole, o mural tan marabilloso que podedes ver nas fotos. Así, todos e todas podemos aprender sobre ELAS, gracias ao traballo dos e das demais.

Ademais, e para conmemorar este día tan importante, dende o equipo de biblioteca fixemos unha selección de contos e obras diferentes, para diversas idades, tanto de ficción como de información, para reinvindicar este día e o papel da muller na literatura e na sociedade. Por aquí vos deixamos unha foto da exposición:

Esperamos que vos gustara a nosa celebración do día da muller. E, coma sempre, feliz lectura!

Semana de Entroido

 A semana pasada festexamos no noso centro, como non podía ser menos, a semana do Entroido. Unha semana chea de actividades especiais, e na que tivemos, coma todos os anos, ao noso Meco indicándonos os disfraces de cada día. 

Este ano os mandados do Meco foron relacionados co noso PDI do centro: os deportes olímpicos, e tamén foron acumulativos. Nas seguintes imaxes podedes ver os diferentes mandatos, foron súper divertidos, pasámolo de marabilla cumplíndoos!

Ademais, tivemos a sorte de que o último día o Meco deixounos disfrazar libremente, e fixemos unha ruta pola aldea para festexar o Entroido de Agualada con moita alegría. Bo entroido e, coma sempre, feliz lectura!

23 de febreiro - Día de Rosalía

 O pasado mércores 23 de febreiro festexamos no noso centro unha celebración que ten moita importancia para nós: o día da nosa querida Rosalía de Castro. 

Para celebralo, todas as aulas do cole implicámonos na realización de varias actividades. Ademais de traballar a figura de Rosalía de Castro nas aulas, o alumnado de infantil, primeiro e segundo de primaria elaboraron un mural de Rosalía pintada ao estilo do famoso pintor Andy Warhol, o Pop Art. Tamén os maiores do cole traballaron a Rosalía e a súas obras, e elaboraron un mural con algúns dos seus poemas e obras máis coñecidas. 

Para rematar, organizaron tamén un recital de poesía, realizado polos nenos e nenas de quinto e de sexto de primaria, para todo o colexio. Encantounos escoitalos recitar os poemas de Rosalía, e fixérono xenial! Feliz lectura e feliz Día de Rosalía!

Lecturas compartidas

A pasada semana, o venres 11, o alumnado de primeiro e segundo de educación primaria organizou unha sesión de lecturas compartidas para os nenos e nenas da clase de 3 anos. 

Os compis máis pequenos do noso cole desfrutaron moito do conto "Lúa", contado por Sabela, Noa e Noel. Seguro que pronto desfrutaremos de moitas máis lecturas compartidas, porque tanto os espectadores como os contacontos quedamos encantados! Feliz lectura!

13 de febreiro - Dia Mundial da Radio

 Onte, domingo 13 de febreiro, celebrouse o día mundial da radio. E nos, dende a biblioteca do CEIP Bormoio-Agualada non queremos deixar de festexar este día tan importante ensinándovos a radio do noso cole. 

A radio da nosa biblio é un recurso super chulo que temos a oportunidade de experimentar. Grabar un programa de radio, ademais de moi interesante, tamén é unha actividade moi completa que axuda a desenvolver moitas competencias. Feliz día da radio e feliz lectura!

11 Febreiro - Día Internacional da muller e a nena na ciencia

O pasado venres 11 de febreiro foi o día internacional da muller e a nena na ciencia, e dende a biblio do CEIP Bormoio-Agualada fixemos unha actividade moi chula para coñecer o papel de moitas mulleres importantes na historia. 

Para traballalo, escollimos algúns dos libros chulos que temos na nosa biblio, e que nos falan de mulleres importantes na historia, como "Las chicas son guerreras", "Las chicas son de ciencias", "Pioneiras" ou "100 mujeres que cambiaron el mundo", e buscamos neles información sobre quen eran e quen fixeron algúns nomes propios como Marie Curie, Hipatía de Alejandría o Ada Lovelace, entre outras. 

Nenos de todas as idades aprenderon un montón sobre todas estas mulleres importantes. Aquí vos deixamos algunhas mostras da actividade. Esperamos que vos guste. Feliz lectura!