MANDADIÑOS DO MECO

 

Novidades da biblioteca

 https://www.instagram.com/p/DF-ULpSNIfS/?img_index=1 

Os Libros da Titiriteira

📚🎭 Este pasado luns 10 de febreiro, as nenas e nenos de infantil gozaron dunha obra de teatro na nosa biblioteca escolar.

A través de "Os Libros da Titiriteira", quixemos transmitir a importancia de fomentar desde pequenos o gusto e o interese pola lectura.

A narradora de "A Xanela do Maxín" que nos acompañou foi xenial! Fixo que os pequenos e pequenas se sentiran súper cómodos, permitindo que tocasen todo, interactuaran e, sobre todo, gozaran ao máximo da experiencia.
Non se tratou dun espectáculo de títeres común nin dun contacontos habitual, senón que mesturou ambos conceptos para dar vida a grandes libros cheos de pequenas historias onde todo é posible. 🧸📖

Unha actividade que sen dúbida axuda a cultivar a imaxinación e a conexión co marabilloso mundo dos libros.

https://www.instagram.com/p/DGA5DxKtEx7/?utm_source=ig_web_copy_link&igsh=MzRlODBiNWFlZA==

CANDELORIA E IMBOLC

 Dando continuidade ó noso PDI Galicia Ancestral, toca celebrar o renacer da natureza.

Este día simboliza  que medio inverno vai fora, e tamén o día no que os paxariños casan, un recordo de que a primavera está cada vez máis preto. 

Todos os nenos e nenas fomos ao campo para sentir a enerxía da Terra, respirar aire fresco e conectarnos coas nosas traicións máis ancestrais. Aproveitando dito paseo os nenos e nenas prepararon previamente nas aulas uns atadiños de comida para deixarlle ós paxariños no seu hábitat natural.

https://www.instagram.com/p/DF8C8i2tNJ1/?utm_source=ig_web_copy_link&igsh=MzRlODBiNWFlZA== 

Julen

Seguimos pola andaina de coñecer a nosa Galicia máis Ancestral. Seguindo co noso PDI, desta ocasión, toca celebrar o Julen, que simboliza o momento de maior escuridade de todo o ano, no cal se rinde homenaxe ó Deus masculino ou Deus Sol, representado por un animal astado coa intención de facer un chamamento á luz, xa que a partir de 21 de decembro os días comezan a medrar, comumente coñecido como o Solsticio de inverno (JULEN)

Coñece á gañadora da postal de Nadal: Ainara e a súa maxia festiva

 Parabéns a Ainara, gañadora da postal de Nadal deste ano! 

O seu deseño destacou entre unha gran cantidade de propostas, amosando a creatividade e o entusiasmo de todas as persoas participantes. 

Sen dúbida, foi unha edición con moita competencia, e Ainara, con tan só 3 anos, soubo transmitir a maxia e o espírito do Nadal dunha maneira única. 

Grazas a todos os nenos e nenas pola súa participación! Agardamos con moita ilusión as futuras creacións o próximo ano!

Recomendacións para unhas datas máxicas.

 Nesta época tan especial, a nosa biblioteca prepárase para acompañaros nas vosas lecturas de Nadal. Temos novidades para todos os gustos: desde libros encantadores para os máis pequen@s de infantil, ata lecturas emocionantes para @s maiores. Tamén podedes disfrutar de contos que vos transportarán a mundos máxicos e festivos.

Pero iso non é todo! Se vos gusta a música, encontrarades unha selección de temas que farán que vos mergullades no espírito navideño. E para os que queren un pouco de diversión extra, temos xogos de "buscar a Papá Noel" que farán que a vosa visita á biblioteca sexa unha aventura.

Agardamos que pasedes momentos máxicos con nós nesta biblioteca chea de sorpresas!

Bo Nadal a todos e a todas!