Samain e Magosto

 O pasado 30 de outubro celebramos no colexio, como xa é tradición a festa do Samain e do Magosto, onde nenos , nenas e mestres deixaron voar a súa imaxinación e viñeron engalanados das súas casas coas súas mellores galas, intentando rememorar ós nosos ancestros. Puidemos atopar Meigas, Catrinas, esqueletes, entre outros. A mañá comezou cos tradicionais xogos do Magosto e co asado das castañas, que por certo, estaban boísimas, gracias a Chema por asalas¡

Despois de xogar e de comer as castañas  acudimos ó ximnasio para a entrega de premios dos concursos de cabazas, relatos e debuxos e dos disfraces terroríficos. 

Gracias pola vosa participación, cada ano superádesvos máis no deseño das cabazas e dos disfraces¡

Mabón - Equinocio de Outono

Dando continuidade ó noso PDI "Galicia Ancestral" o pasado venres 27 de setembro celebramos o Mabón, máis coñecido como o equinoccio de outono.

Para levar a cabo a actividade nenos  e nenas recolleron diferentes elementos relacionados en como o outono se ve na natureza.

 Posteriormente colocaron os diferentes elementos atopados nun altar situado na zona da entrada, onde rendirían homenaxe ós 4 elementos (terra, aire,  lume e  auga) que eran as deidades dos nosos ancestros.

Os alumnos de 1º de primaria foron os encargados de facer unha representación onde explicaban que a luz e a escuridade ocupan as mesmas horas de día.

PDI 2024/2025

Benvidos ao curso 24/25. Este ano o PDI escollido para traballar será "GALICIA ANCESTRAL". Preparados para coñecer aos nosos ancestros? Isto empeza xa!

CANADA PROJECT

Neste curso os rapaces e rapazas de 3º e 4º fixemos uns novos amig@s canadienses, concretamente do Manor Park Primary School, na cidade de Otava.

Primeiramente intercambiamos un vídeo de presentación dos colexios; aquí podedes ver o noso!

E despois realizamos un intercambio de cartas en inglés, que foi moi, moi, moi interesante. 

Produtos finais PDI: A cociña en Agualada

 Para rematar a temática deste curso, o pasado mes de maio realizamos unha merendola coas familias! Desta forma, demostramos todo o aprendido a través de receitas diversas e riquísimas que escribimos e elaboramos coa axuda do profesorado, e compartimos toda a comunidade educativa. Estaba todo boísimo! Por aquí vos deixamos as nosas receitas, e algunha que outra foto máis. Gracias por vir!

Mulleres cociñeiras

 Bo día, deixámosvos por aquí uns traballos realizados polo alumnado no Día da Muller que nos quedaron pendentes de compartir convosco. A través deles, coñecemos de primeira man a moitas cociñeiras moi importantes na gastronomía nacional, que non coñecíamos. 

Avaliación da biblio!

Como cada ano a finais de curso, achegámosvos os nosos cuestionarios para poder avaliar o traballo realizado pola biblioteca neste curso escolar. Agradecemos moito a vosa colaboración para poder aprender do realizado e poder continuar mellorando! Moitas gracias!

Avaliación do alumnado: Preme aquí para responder

Avaliación das familias: Preme aquí para facer o cuestionario