A cova do lobo Seitodo

De ruta polo corpo.

2012-02-12T22:36:00.004+01:00

O PDI que estamos levando a cabo durante este curso lévanos a indagar algo máis sobre o corpo humano.

Para ir abrindo boca aquí vos presentamos unha guía para o alumnado, na que constan os pasos que deben seguir se desexan acceder ao catálogo da nosa biblio pola rede.

O programa PERSEO, promovido polo Ministerio de Sanidade, dispón duns materiais didácticos moi interesantes na nosa lingua, relacionados coa alimentación saudable.

E para finalizar a entrada de hoxe, imos a engadir un pouco de ritmo musical coa canción "Comer bien" de Los Algos.

Celebración do Día da Paz.

2012-02-01T22:35:00.002+01:00

Este curso decidimos conmemorar o Día da Paz plasmando aquelas palabras que nos producen sensacións negativas nunha prenda de roupa sucia. E qué se fai coa vestimenta roñosa e pringosa? Pois metela na lavadora dos bós desexos para que saian auténticas poesías, odas que reclaman un mundo mellor.

Avaliación da escritura.

2012-01-25T22:36:00.003+01:00

Á hora de avaliar as composicións escritas do alumnado é preciso diferenciar certos aspectos que, aínda interrelacionados entre sí, supoñen diferentes dimensións do proceso escritor. Saber diferenciar cada dimensión determina o tipo de dificultade que o alumno/a pode presentar e o que hai que facer para axudarlle a superala.

O documento que presentamos está directamente relacionado coa competencia lingüística e consiste nunha síntese de ideas acerca dos criterios e ítems que debemos ter en conta cando valoremos as produccións dos nosos alumnos/as.

Esperamos que vos sexa útil.

Open publication - Free publishing - More avaliacion

Éste é o enlace para o documento en pdf, aquí.

Exposición de fotografía.

2012-01-21T22:56:00.003+01:00

Para aqueles/as que teñan previsto viaxar á capital de España próximamente e que, ademáis, sexan amantes da fotografía, entre os días 10 de xaneiro e 15 de marzo a fotógrafa autodidacta galega Carla Andrade (1983) exporá no Eurostars I-hotel a súa obra máis recente baixo o título "Último retorno".

Licenciada en Comunicación Audiovisual, realizou talleres con fotógrafos como Bernard Plossu ou Vari Caramés. Finalista en festivais internacionais e en diversos premios, a súa obra foi exposta en Rumanía, Portugal, España e, próximamente en EEUU onde ten previsto participar nunha mostra colectiva no mes de outubro (New York Biennale Art 2012-2013, Javits Center. New York).

Repasando a súa páxina web atoparédesvos con fotografías que conteñen paisaxes suspendidas, irracionais e moi familiares xa que algunhas delas pertencen á Costa da Morte.

Aquí vos deixo algúns enlaces onde afondar.

Entrevista de Sabela A. Manzano a Carla Andrade. Pincha aquí.

Galería de Carla Andrade. Pincha aquí.

Familias lectoras.

2012-01-17T23:07:00.003+01:00

Ser pai/nai non é tarefa sinxela. Qué vos imos a dicir! Como educadores tedes que enfrontarvos, cada día, a situacións incómodas. Quen non se desesperou algunha vez ante a negativa do voso cativo/a a probar alimentos novos? Sabemos cómo actuar ante as rabechas? E que dicides daqueles rapaces/rapazas que non saben aceptar un "non" como resposta?

Dende a biblioteca do cole propoñémosvos uns cantos exemplares de consulta que orientarán a vosa conducta ante éstes e outros conflictos. Trátase de obras de carácter práctico, con consellos para aplicar e que, de seguro, botaranvos unha man no día a día.

Pinchade aquí e accederedes a unha pequena sinopse dos libros cos que contamos.

30 de Xaneiro. Día da Paz.

2012-01-15T22:46:00.004+01:00

A formación para a paz, a cooperación e a solidaridade entre os pobos é unha das finalidades que se plantexa o noso sistema educativo. Este ano, ademáis, conmemórase o 64 aniversario da morte de Gandhi.

Éstas son as nosas propostas para que nas aulas se faga referencia a ese día, tendo en conta os recursos da biblioteca.

Open publication - Free publishing - More fondos

Ademáis, se pinchades aquí enlazaredes coa canción escollida este curso polo cole. Trátase de "Somos amigos" de Cantajuego.

Outros recursos interesantes atoparédelos aquí.

Enlace ao Seminario Galego de Educación para a Paz.

Nova adaptación de "O mago de Oz".

2012-01-13T23:24:00.004+01:00

Se dispoñedes duns minutiños recomendámosvos que lle botedes unha ollada a este clásico universal en versión cómic. "O mago de Oz" de L. Frank Baum, a cargo do guionista Eric Shanower e do debuxante Skottie Young, está considerado como un dos tebeos mellor debuxados dos últimos anos. Só durante o ano 2010 acadou dous premios Eisner á Mellor Serie Limitada e á Mellor Publicación para Nenos/as.

Os deseños das personaxes son moi interesantes. O León cobarde é unha auténtica bola de pelo da que resulta imposible non namorarse. E qué imos a dicir de Dorothy, do espantallo e do home de latón.

Hai máis Clásicos Ilustrados Marvel pero, sen dúbida, éste parece ser un dos mellores.

E máis poesía.

2012-01-12T22:39:00.004+01:00

Semella que lle collemos o fío a este xénero literario e non imos deixar escapar a oportunidade de recurrir a este estupendo exemplar de Fran Alonso. "O meu gato é un poeta" trata de transmitir a poesía dun xeito lúdico e, sobre todo, accesible.

Podemos atopar xogos de palabras, caligramas, narracións... e tamén música! Sí, porque música e poesía son dúas artes que teñen moita relación entre sí. De feito, Xurxo Souto compuxo catro das seis cancións que inclue o CD que acompaña o libro.

Pincha aquí e poderás escoitar unha das cancións incluídas no CD.

A voltas co semáforo.

2012-01-11T22:48:00.002+01:00

O pasado 16 de decembro estuvo con nós Mónica Góñez, muller polifacética onde as haxa, que tanto participa activamente na súa vila como exerce de docente nun IES de Xove ou, o que resulta aínda máis interesante, ensínanos que a poesía está presente en cada intre da nosa vida.

Quen nos ía a dicir que, a partires dun aparello tan común, se crearía un poema tan armónico.

Open publication - Free publishing - More obradoiro

Adeus a Isaac Díaz Pardo.

2012-01-06T20:10:00.008+01:00

O intelectual Isaac Díaz Pardo finou na mañá do día de onte despois dunha vida adicada a Galiza. Home polifacético e comprometido coa nosa terra, debe ser tomado como exemplo por todos nós.

O pasado ano recibiu unha homenaxe pola súa traxectoria artística e vital. Xentes que ollan é un dos cadros que conformaron a exposición "Pinturas y fracasos", o cal se atopa no Museo de Belas Artes de A Coruña.

Descanse en paz un dos homes que máis loitou por reconstruír a cultura e a memoria de Galiza.

Taller de creación de contos en liña.

2011-12-27T22:17:00.005+01:00

O equipo de dinamización da biblioteca escolar e o equipo de TICS deseñaron e levaron a cabo, de forma conxunta e en colaboración cos titores/as, un taller de creación de contos en liña no trimestre que acaba de rematar.

A páxina elexida foi My Storymaker. Resumímosvos, a continuación, as fases do proxecto.

1.- Distribución en pequenos grupos dos alumnos/as nas titorías.

2.- Reflexión e debate sobre certas cuestións a delimitar como as personaxes, o título, o argumento e a realización do storyboard. Para facilitar as tarefas, deseñáronse as plantillas expostas, as cales están en consonancia cos pasos propostos pola páxina escollida.

3.- Representación da historia elaborada a nivel gráfico a nivel online.

Open publication - Free publishing - More actividades

Un libro, un alimento.

2011-12-26T12:26:00.002+01:00

O Rastriño de Nadal foi todo un éxito! Queremos agradecervos a todos/as a vosa colaboración na campaña,así como a demostración dunha conducta, máis que solidaria, nestes tempos difíciles. Este vídeo así o reflexa. Bon Nadal!

Guía de Nadal.

2011-12-18T23:26:00.003+01:00

Estas son as nosas recomendacións lectoras para este Nadal. Algúns exemplares das obras que aquí se aconsellan estarán a vosa disposición, ademáis de na biblioteca do centro, na biblioteca municipal. Desexamos que vos gusten!

Open publication - Free publishing - More recomendacions

Unha nova iniciativa solidaria.

2011-12-10T16:27:00.004+01:00

A ong española Orbayu ven de propoñer unha iniciativa moi interesante para mellorar as condicións de vida dos habitantes dunha aldea da República Democrática do Congo. Servíndose dun libro infantil titulado "El violín de Pazlús" pretenden recaudar beneficios para realizar diversas obras sociais.

O exemplar básase na historia dun neno que toca o violín para acadar un mundo mellor. Un tenro relato que, de seguro, non nos deixará indiferentes.

Ademáis, o autor e ilustrador é Jacobo Muñiz López, un galego experto non só en darlle forma á fantasía, senón tamén en representar a súa propia visión da realidade.

Se pinchades enriba do título do libro accederedes a súa publicación en issuu.

Rastrillo de Nadal

2011-12-10T15:51:00.004+01:00

Chega o noso centro o Rastrillo de Nadal. Unha auténtica exposición de libros que, ata non fai moito, formaban parte dos fondos da nosa biblioteca pero que deben abandonala por proporcionarnos moita da sabiduría que albergaban.

Para participar só hai que traer un alimento non perecedeiro e éste poderá ser intercambiado polo exemplar que máis vos guste. Qué sinxelo!

Deste xeito, ademáis de agasaiarnos cun pouco de lectura ou agasaiar aos demáis, estaremos colaborando nunha iniciativa solidaria coa axuda de Cáritas Carballo, organización que distribuirá os alimentos recavados entre aquelas familias que o precisen.

Esperámosvos o próximo 21 de decembro!!

(Ilustración de Fernando Vicente, publicada en El país.com o 16-12-2006).

Outro ano viaxando...

2011-12-10T13:20:00.004+01:00

Aínda que as mochilas comezaron a súa andadura xa en novembro, é agora cando publicamos o seu contido. Esperamos que as propostas vos gusten e que disfrutedes do material.

Open publication - Free publishing - More dinamizacion

O Nadal na aula.

2011-11-24T22:10:00.003+01:00

Temos varias sorpresas pendentes conforme se vai achegando o Nadal. Ide abrindo boca con estes exemplares, os cales forman parte do noso fondo bibliográfico. Atoparedes, dende tenras historias con finais felices, ata as máis disparatadas aventuras.

Presentación lecturas nadal

View more presentations from loboagualada

Chegou o Samaín a nosa bibliocova!!

2011-10-26T21:38:00.009+02:00

Corren tempos escuros na nosa gorida, tempos de bruxas, de curuxas, lobisomes, gatos negros, pantasmas...

Se sodes quen de facerlle fronte, botádelle unha ollada ás recomendacións que temos preparadas. Atrevédevos a disfrutar das lecturas máis terroríficas!

Lecturas que están de medo!!

View more presentations from loboagualada

Algúns consellos para ler en familia.

2011-10-04T19:20:00.006+02:00

A familia exerce un papel moi importante á hora de instaurar hábitos incluídos, por suposto, os lectores. En liña co curso pasado, éstas son algunhas recomendacións por ciclos para que pais e nais colaboren connosco á hora de motivar ós nenos e nenas a ler.

Open publication - Free publishing - More consellos

Chegou o outono e con él novos libros que descubrir.

2011-09-30T20:37:00.009+02:00

Con esta incrible escenografía Laura Gallego, unha das gañadoras dos Premios Cervantes Chico 2011, presenta a súa última obra. Trátase dunha novela de aventuras que de seguro enfeitizará a moitos dos nosos alumnos/as do último curso. O lobo Seitodo garda varias mostras gratuitas na súa cova, esperando impaciente o próximo 14 de outubro!

Se ousades ler na lingua de Shakespeare, que mellor que coñecer a historia da urraca Margaret. Encántalle os obxectos brilantes pero non está disposta a compartilos. Cómo reaccionarán os seus amigos do bosque?

Deixade que a vosa imaxinación voe ata o corazón deste bosque maravilloso. Descubriredes seres fantásticos escondidos nas láminas. A ver quen os atopa!

África

2011-04-16T10:17:00.003+02:00

Na nosa aventura cruzando o mundo, os nen@s de infantil convertíronse nuns expertos do continente africano. Éstas son algunhas das actividades, creadas para a PDI, coas que ampliaron os seus coñecementos.

Open publication - Free publishing - More africa

O "Guillermo Tell" de Rossini.

2011-04-13T21:52:00.002+02:00

Guillermo Tell foi unha das lendas suizas estudadas. O músico italiano Rossini elaborou unha composición na honra deste heroe.

A flora en Europa

2011-04-13T21:41:00.003+02:00

Este curso os nosos pequen@s adicáronse a percorrer o mundo. A biblioteca quixo acompañalos nesta aventura propoñendo actividades en formato dixital.

Open publication - Free publishing - More europa

Consellos lectores para pais e nais

2011-04-12T22:58:00.008+02:00

Éstas son algunhas prácticas recomendacións, dirixidas aos papás e ás mamás do alumnado do 1º ciclo de primaria, para fomentar os hábitos lectores entre eles. Botádelle unha ollada!

Open publication - Free publishing - More consellos

Pechado por catalogación

2011-01-17T11:20:00.000+01:00

Neste intre o Lobo Seitodo está a ordenar a súa cova polo que temporalmente está pechada. En poucos días estaremos a pleno rendemento.
Disculpade as molestias.

O verán é o tempo de ler

2010-07-06T10:36:00.000+02:00

Este curso intentamos achegaros aos libros, no verán tendes que seguir lendo, buscade un tema que vos divirta e lede: cómics, revistas, libros...
Despedimonos ata o curso que ven e .Boa lectura!

Traballamos na Biblioteca

2010-03-12T11:26:00.000+01:00

Cada semana os alumnos de 5º e 6º dedicanlle unha hora ao traballo na Biblioteca, nela realízanse actividades diversas: Participación no concurso da ONCE

O que está lendo 6º...

2010-03-11T10:55:00.000+01:00

Seguimos a ler...

2010-03-08T16:31:00.000+01:00

Contos azuis é o libro que nos propón Cabeza Quiles, é un libro con fondas raíces na nosa terra, nas lendas e nas supersticións que todos coñecemos. Os alumnos e alumnas de 6º de Primaria están rematando esta lectura que logo continuarán os nenos e nenas de 5º.

o que imos ler

2010-01-25T21:40:00.000+01:00

O QUE IMOS LER…
No Clube de Lectura os alumnos de 5º e 6º de Primaria imos ler os libros:

FRAY PERICO Y SU BORRICO
Autor: Juan Muñoz Martin
Ed.: SM

Argumento:
Sitúanos nun convento de vinte frailes cerca de Salamanca.
Fray Perico e o seu burriño transtornan a tranquila vida do convento.
É unha historia moi alegre, chea de extrañas e entrañables aventuras.

CONTOS AZUIS
Autor: Fernando Cabeza Quiles
Ed.: Galaxia

Argumento:
Relatos curtos que traballan coa nostalxia, a aventura e a ilusión.
Con eles pódese viaxar polo tempo, polos sentimentos e pola literatura.

libros recomendados para 5º e 6º

2009-12-15T13:15:00.000+01:00

LINGUA CASTELÁ
El 35 de mayo. Erich Kästner
Aventuras de la mano negra. H. Press
Aventuras de Tom Sawyer. Mark Twain
Bambulo. Bernardo Atxaga
Billy y el vestido rosa. Anne Fine
Las brujas. Roald Dhal (y todas las obras de este autor)
Cuentos para jugar. Gianni Rodari
La guerra de los botones. Louis Pergaud
Konrad. Christine Nöstlinger
El misterio de la isla de Tokland. J.M. Gisbert
Momo. Michael Ende
El pequeño Nicolás. R. Goscinny
El pequeño vampiro. Angela Sommer-Bodenburg
Sapo y Sepo un año entero. Arnold Lobel
Un tiesto lleno de lápices. Juan Farias
Fray Perico y su borrico. Juan Muñoz Martín
LINGUA GALEGA
O misterio das badaladas. Xavier p. Docampo
Das cousas de Ramón Lamote. Paco Martín
Contos azuis. Fernando Cabeza Quiles
O misterio dos fillos da Lúa. Fina Casalderrey
A marela Taravela. Carlos Casares
Cando petan na porta pola noite. Xavier P. Docampo
Contos na escola. Concha Blanco

Esta lista de libros é aberta. Toda suxestión será ben recibida por parte dos participantes no Clube de Lectura.
Aínda que non se participe nesta actividade pódese considerar que calquera destes libros é válido para nenos de 5º e 6º de EP.

2009-12-14T12:52:00.000+01:00

CLUBE DE LECTURA
BIBLIOTECA CEIP DE BORMOIO-AGUALADA

INTRODUCCIÓN

Desexamos que a creación deste clube motive aos nosos alumnos e alumnas a ler. Os que xa o fan terán a oportunidade de revivir a experiencia, os que non o fan moi a miúdo poden compartir a emoción e tratar de unirse a ela.
As nosas intencións, como vedes, son as mellores. Adiante!

QUE SE FAI NUN CLUBE DE LECTURA?

Non se le en alto nas sesións.
Non hai que intervir a forza nos debates
Non ten que ler todos o mesmo libro
Hai que ler na casa ou na escola o libro elexido
Pódese acudir as reunións ainda que non dera tempo a ler
Calquera pode falar do libro que leu, compartir opinións, contar o argumento, explicar as sensacións que tivo, falar do autor…

DE QUE LIBROS IMOS FALAR?

De todos os que lemos que nos gustaron.
Dos libros que podemos incitar a ler a outros.
Dos que se leen neste curso. Cada un pode ler un libro diferente, logo comentalo e facerlle ganas de lelo ao resto.