lunes, 3 de diciembre de 2012

Mostra medieval.

Benvidos/as á primeira mostra medieval que se leva a cabo no colexio de Bormoio, unha auténtica exposición temática na que os libros están para velos, tocalos e aprender deles polo que animámosvos a que os usedes e desgastedes coidadosamente.



domingo, 25 de noviembre de 2012

Catálogo de novidades.

Na cova do lobo vimos de adquirir material ben variado e que resposta aos intereses dos distintos usuarios. Acabamos de incorporar fondos relacionados coa temática do noso PAI, "Un castelo de libros", como, por exemplo, a colección Branco de cores de Sotelo Blanco ou algúns exemplares de OQO como "A voda dos ratos" ou "A partes iguais". Para máis información, consultade o catálogo aquí exposto.

                         

jueves, 8 de noviembre de 2012

A hora bruxa.

Velaiquí un arrepiante documento gráfico que ilustra as aterradoras sesións de contacontos que tiveron lugar na biblioteca durante o 31 de outubro. Grandes e pequenos tiveron a oportunidade de escoitar algúns dos relatos ideados polos seus compañeir@s e, como podedes observar, lectores e oíntes prepararon a conciencia o seu papel. 


Click to play this Smilebox presentación
Create your own presentación - Powered by Smilebox
A presentación by Smilebox

sábado, 3 de noviembre de 2012

Viaxando pola Idade Media.

Comezan de novo a funcionar as mochilas viaxeiras. Durante este curso hai algunhas novidades xa que, ademáis de aumentar o seu número funcionando unha por nivel e ampliar o tempo de permanencia na casa, o nosos lectores disfrutarán de historias ambientadas no medievo, así como de material audiovisual onde a acción transcorre entre castelos e campos de batalla. Para acceder ó contido das mochilas pinchade aquí.

Asimesmo, os alumn@s tamén terán a oportunidade de compartir momentos cos seus proxenitores a través de entretidos manuais de arte e cociña, a partires dos cales poderán facer algunha actividade conxunta.
Pois non se fale máis e a disfrutar delas!!

martes, 23 de octubre de 2012

Listado temático arredor da Idade Media.

Como ben sabedes, a temática sobre a que vai xirar o Proxecto Anual Integrado durante o presente curso é a Idade Media. Afondando entre os distintos exemplares, tanto de lectura como de consulta, atopamos material moi interesante no que incluímos tamén as novas adquisicións. No listado que presentamos a continuación atoparedes auténticas obras de referencia, converténdose éste nun recurso que pode facilitar as vosas pesquisas á hora de centrar a vosa atención nun determinado aspecto do tema. 

lunes, 8 de octubre de 2012

Entre pócimas e brebaxes...


... e algún que outro maleficio,
ser a mala dos contos
foi sempre o seu oficio.


As bruxas adoitan ser personaxes malvados que producen certo temor aos cativ@s. Nada mellor para superaren este medo que presentarlles un conto no que os protagonistas triunfen sobre este ser da imaxinación. De feito, o libro de Tina Meroto  A bruxa regañadentes vai ser a nosa primeira proposta lectora  para o Samaín.

A Editora OQO preparou tamén unha pequena curtametraxe sobre o conto. 


O souto escuro e perigoso de Miguel Vázquez Freire, cunhas ilustracións en tons grises con fondo negro, sumerxe ao lector nunha atmósfera lúgubre pero moi tenra, onde un fráxil coelliño branco será capaz de desafiar a un oso e a un lobo.
Para rematar, presentamos uns exemplares que farán a delicia dos máis maiores, as fantásticas aventuras dos  Megatoxos, catro mozos que teñen que compatibilizar as súas clases no instituto cunha dobre vida que os impulsa a viaxar polo tempo na procura dunha cura para a súa mutación xenética. "Os Megatoxos e a cara oculta de Lúa" é o primeiro volume desta serie.



miércoles, 26 de septiembre de 2012

Un novo curso comeza...

E con él novos retos para a nosa recén estreada biblioteca. Como ben sabedes houbo unha modificación no emprazamento, ocupando agora o edificio anexo ó centro (antiga casa do conserxe). Despois de tirar tabiques, poñer tarima, pastear e pintar conseguiuse acondicionar o espazo. E cal foi o resultado final? Neste vídeo aparece un pequeno adianto. Sabemos que nos queda moito camiño, pero con toda a vosa axuda iremos acadando os obxectivos que nos propoñamos. Grazas a todas aquelas entidades que colaborastes. Dámos así por iniciada unha nova andadura!


miércoles, 9 de mayo de 2012

En galego, xa, si!

O día para celebrar as Letras Galegas está ben preto e para ir quentando motores nada mellor que entoar o "Rap da Lingua" do grupo Migallas. No noso cole canto máis a escoitamos (ao iniciar e rematar a xornada), máis nos gusta!
E para coñecer mellor a Valentín Paz Andrade, poeta e xornalista homenaxeado este ano, o CEIP Nosa Señora de Xuvencos aporta ligazóns interesantes para pescudar sobre a súa vida e obra. Pinchade aquí para acceder.
Ademáis, e como ven sendo habitual, o Seminario Galán aporta un magnífico traballo de investigación.
Actividades para Educación Infantil.
Actividades para o 1º ciclo de Educación Primaria.
Actividades para o 2º ciclo de Educación Primaria.
                                        Actividades para o 3º ciclo de Educación Primaria.


Os nosos Arcimboldos.

Amigos e amigas! O alumnado de 1º ciclo convídavos a visitar a súa exposición artística de retratos. Son ben orixinais xa que as froitas e as verduras figuran como elementos decorativos, seguindo a técnica do pintor italiano Giuseppe Arcimboldo.

E quenes lles serviron de modelo? Pois aqueles químicos e científicos que realizaron importantes aportacións no ámbito da alimentación como Louis Pasteur (non vos perdades o enlace a un descoñecido mundo microscópico), George Wald ou Luis Federico Leloir.


Aquí vai un pequeno adianto.



martes, 1 de mayo de 2012

Día do Libro.

Para celebrar esta data tan importante organizamos un Apadriñamento lector. Os alumnos/as máis pequenos actuaron como oíntes mentras que os máis maiores prepararon a conciencia a lectura para os seus afillados/as. Desta experiencia quedaron imaxes moi fermosas, as cales veredes neste vídeo.


martes, 3 de abril de 2012

Exposición de experiencias.

O alumnado do 3º ciclo encargouse de investigar o apartado de "Aparellos e Sistemas" do proxecto documental sobre o corpo humano que realizamos no centro durante o presente curso.

En primeiro lugar, os alumnos/as dividíronse por parellas para procurar información sobre aquel aparello do que resultarían todos uns expertos. Realizaron búsquedas na rede, no material de consulta, prepararon cadernos e algún experimento para exemplicar o funcionamento do aparello diante dos seus compañeiros/as.
Ollade as exposicións que tiveron lugar na biblioteca. Semellan todo un éxito! Noraboa a estes investigadores!



Obradoiro con Mon Lendoiro.

Para conmemorar a Semana da Prensa na Escola, o alumnado do 2º ciclo redactou unha noticia e para ilustrala contamos coa inestimable axuda do artista carballés Mon Lendoiro.

Despois de realizar unha pequena introducción para explicar a importancia das imaxes nos medios de comunicación, Mon axudounos a ilustrar a nosa nova outorgándonos pautas e estratexias de debuxo.


E éstes foron algúns dos resultados:


Mon Lendoiro tamén organizou varias exposicións onde se amosan algunhas das súas obras máis significativas, sendo a máis recente o conxunto de retratos realizados dende unha perspectiva infantil, levada a cabo no centro cívico de Arteixo.
Outra delas é a do corpo humano como expresión, relacionada co tema do noso PAI.

lunes, 27 de febrero de 2012

Consultando libros...

Os libros son a fonte da sabiduría polo que é moi importante saber manexalos. O alumnado de 1º ciclo está investigando sobre alimentación e hábitos de vida saudables. O pasado venres saíron da aula co seu caderno de campo para dar resposta ás cuestións que se lle plantexaron. Pero non foi sinxelo xa que os libros de consulta estaban escondidos polos recunchiños do cole e había que estar atento ás pistas.
Unha vez atopados, había que fixarse na sinatura e buscar a información pertinente.



Ésta é unha mostra dos cadernos de campo elaborados. Foron catro en total.


sábado, 25 de febrero de 2012

Exposición de material sobre o corpo humano.

Non hai mellor maneira para dar a coñecer os recursos da biblioteca aos usuarios que organizar unha exposición vistosa cos distintos exemplares e recursos multimedia cos que contamos sobre o corpo humano. Como sabedes, éste é o tema escollido para o PAI de este ano.

Un dos recursos educativos en liña que desenvolve a maior parte do currículo da área de Coñecemento do Medio é o Proxecto Alquimia. O apartado de Alumnado contén numerosas actividades clasificadas por ciclos, entre elas aquelas relacionadas coa saúde e o noso corpo.

Outra aplicación interesante para repasar os ósos e os músculos dun xeito máis lúdico é a que propoñemos a continuación. Pinchade na imaxe para comprobar os vosos coñecementos.


domingo, 12 de febrero de 2012

De ruta polo corpo.

O PDI que estamos levando a cabo durante este curso lévanos a indagar algo máis sobre o corpo humano.
Para ir abrindo boca aquí vos presentamos unha guía para o alumnado, na que constan os pasos que deben seguir se desexan acceder ao catálogo da nosa biblio pola rede.



O programa PERSEO, promovido polo Ministerio de Sanidade, dispón duns materiais didácticos moi interesantes na nosa lingua, relacionados coa alimentación saudable.
E para finalizar a entrada de hoxe, imos a engadir un pouco de ritmo musical coa canción "Comer bien" de Los Algos.

miércoles, 1 de febrero de 2012

Celebración do Día da Paz.

Este curso decidimos conmemorar o Día da Paz plasmando aquelas palabras que nos producen sensacións negativas nunha prenda de roupa sucia. E qué se fai coa vestimenta roñosa e pringosa? Pois metela na lavadora dos bós desexos para que saian auténticas poesías, odas que reclaman un mundo mellor.



miércoles, 25 de enero de 2012

Avaliación da escritura.

Á hora de avaliar as composicións escritas do alumnado é preciso diferenciar certos aspectos que, aínda interrelacionados entre sí, supoñen diferentes dimensións do proceso escritor. Saber diferenciar cada dimensión determina o tipo de dificultade que o alumno/a pode presentar e o que hai que facer para axudarlle a superala.
O documento que presentamos está directamente relacionado coa competencia lingüística e consiste nunha síntese de ideas acerca dos criterios e ítems que debemos ter en conta cando valoremos as produccións dos nosos alumnos/as.
Esperamos que vos sexa útil.


Éste é o enlace para o documento en pdf, aquí.

sábado, 21 de enero de 2012

Exposición de fotografía.

Para aqueles/as que teñan previsto viaxar á capital de España próximamente e que, ademáis, sexan amantes da fotografía, entre os días 10 de xaneiro e 15 de marzo a fotógrafa autodidacta galega Carla Andrade (1983) exporá no Eurostars I-hotel a súa obra máis recente baixo o título "Último retorno".

Licenciada en Comunicación Audiovisual, realizou talleres con fotógrafos como Bernard Plossu ou Vari Caramés. Finalista en festivais internacionais e en diversos premios, a súa obra foi exposta en Rumanía, Portugal, España e, próximamente en EEUU onde ten previsto participar nunha mostra colectiva no mes de outubro (New York Biennale Art 2012-2013, Javits Center. New York).

Repasando a súa páxina web atoparédesvos con fotografías que conteñen paisaxes suspendidas, irracionais e moi familiares xa que algunhas delas pertencen á Costa da Morte.
Aquí vos deixo algúns enlaces onde afondar.

Entrevista de Sabela A. Manzano a Carla Andrade. Pincha aquí.
Galería de Carla Andrade. Pincha aquí.

martes, 17 de enero de 2012

Familias lectoras.

Ser pai/nai non é tarefa sinxela. Qué vos imos a dicir! Como educadores tedes que enfrontarvos, cada día, a situacións incómodas. Quen non se desesperou algunha vez ante a negativa do voso cativo/a a probar alimentos novos? Sabemos cómo actuar ante as rabechas? E que dicides daqueles rapaces/rapazas que non saben aceptar un "non" como resposta?

Dende a biblioteca do cole propoñémosvos uns cantos exemplares de consulta que orientarán a vosa conducta ante éstes e outros conflictos. Trátase de obras de carácter práctico, con consellos para aplicar e que, de seguro, botaranvos unha man no día a día.

Pinchade aquí e accederedes a unha pequena sinopse dos libros cos que contamos.

domingo, 15 de enero de 2012

30 de Xaneiro. Día da Paz.

A formación para a paz, a cooperación e a solidaridade entre os pobos é unha das finalidades que se plantexa o noso sistema educativo. Este ano, ademáis, conmemórase o 64 aniversario da morte de Gandhi.
Éstas son as nosas propostas para que nas aulas se faga referencia a ese día, tendo en conta os recursos da biblioteca.



Ademáis, se pinchades aquí enlazaredes coa canción escollida este curso polo cole. Trátase de "Somos amigos" de Cantajuego.

Outros recursos interesantes atoparédelos aquí.

viernes, 13 de enero de 2012

Nova adaptación de "O mago de Oz".

Se dispoñedes duns minutiños recomendámosvos que lle botedes unha ollada a este clásico universal en versión cómic. "O mago de Oz" de L. Frank Baum, a cargo do guionista Eric Shanower e do debuxante Skottie Young, está considerado como un dos tebeos mellor debuxados dos últimos anos. Só durante o ano 2010 acadou dous premios Eisner á Mellor Serie Limitada e á Mellor Publicación para Nenos/as.

Os deseños das personaxes son moi interesantes. O León cobarde é unha auténtica bola de pelo da que resulta imposible non namorarse. E qué imos a dicir de Dorothy, do espantallo e do home de latón.


Hai máis Clásicos Ilustrados Marvel pero, sen dúbida, éste parece ser un dos mellores.

jueves, 12 de enero de 2012

E máis poesía.

Semella que lle collemos o fío a este xénero literario e non imos deixar escapar a oportunidade de recurrir a este estupendo exemplar de Fran Alonso. "O meu gato é un poeta" trata de transmitir a poesía dun xeito lúdico e, sobre todo, accesible.
Podemos atopar xogos de palabras, caligramas, narracións... e tamén música! Sí, porque música e poesía son dúas artes que teñen moita relación entre sí. De feito, Xurxo Souto compuxo catro das seis cancións que inclue o CD que acompaña o libro.
Pincha aquí e poderás escoitar unha das cancións incluídas no CD.

miércoles, 11 de enero de 2012

A voltas co semáforo.

O pasado 16 de decembro estuvo con nós Mónica Góñez, muller polifacética onde as haxa, que tanto participa activamente na súa vila como exerce de docente nun IES de Xove ou, o que resulta aínda máis interesante, ensínanos que a poesía está presente en cada intre da nosa vida.
Quen nos ía a dicir que, a partires dun aparello tan común, se crearía un poema tan armónico.




viernes, 6 de enero de 2012

Adeus a Isaac Díaz Pardo.

O intelectual Isaac Díaz Pardo finou na mañá do día de onte despois dunha vida adicada a Galiza. Home polifacético e comprometido coa nosa terra, debe ser tomado como exemplo por todos nós.
O pasado ano recibiu unha homenaxe pola súa traxectoria artística e vital. Xentes que ollan é un dos cadros que conformaron a exposición "Pinturas y fracasos", o cal se atopa no Museo de Belas Artes de A Coruña.

Descanse en paz un dos homes que máis loitou por reconstruír a cultura e a memoria de Galiza.